ភ្នំពេញ៖ រថយន្ត toyota alphard មួយគ្រឿងខណៈសង្ស័យថាអ្នកបេីកបរងោកមួយភាំងទេីបបណ្ដាលឲ្យជ្រុលចង្កូតទៅបុកនឹងក្បាលនាគថ្មពុះចែកទ្រូងផ្លូវបណ្ដាលឲ្យរងការខូចខាតទាំងរថយន្តនិងថ្មពុះចែកទ្រូងផ្លូវ នៅវេលាម៉ោង១:៥០នាទីរំលងអធ្រាត្រឈានចូលថ្ងៃទី៣០ ខែឧសភា ឆ្នាំ២០២៥ នៅចំណុចស្តុបព្រឹទ្ធសភា ផ្លូវម៉ៅសេទុងកែងផ្លូវ៦៣ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកេីតហេតុគេបានឃើញបុរសជាជនជាតិចិនម្នាក់បានបេីករថយន្តម៉ាក toyota alphard ពណ៌ស ពាក់ស្លាកលេខ ភ្នំពេញ 2BN 9857 បេីកធ្វើដំណើរតាមបណ្ដោយផ្លូវម៉ៅសេទុងទិសដៅពីកេីតទៅលិចក្នុងល្បឿនលឿន ខណៈមេឃកំពុងតែរលឹម លុះមកដល់ចំណុចកេីតហេតុ ដោយសង្ស័យថាអ្នកបេីកបររងោកដេកងោកមួយភាំងទេីបបណ្ដាលឲ្យរថយន្តរេចង្កូតជ្រុលទៅបុកនិងក្បាលនាគថ្មពុះចែកទ្រូងផ្លូវខ្ទាតរងការខូចខាតអស់ចំនួន១កង់ព្រមទាំងធ្វើឲ្យរថយន្តរងការខូចខាតខ្ទេចផ្នែកខាងមុខចំហៀងខាងឆ្វេង បាក់កង់រទិលនិងផ្ទុះពោងសុវត្ថិភាព តែមិនមានគ្រោះថ្នាក់ដល់មនុស្សនោះទេ ហើយអ្នកបេីកបរ ក៍គេចចេញទៅបាត់ផងដែរ ។
ក្រោយពេលកេីតហេតុ នៅសល់តែរថយន្តដែលរងការខូចខាត ត្រូវបានសមត្ថកិច្ចស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោករង់ចាំដំណោះស្រាយ ៕
