ឧត្តរមានជ័យ ៖ សាកសពបុរសម្នាក់ដែលគេសង្ស័យថាមានអ្នកយកមកកប់ចោលត្រូវបានអ្នកភូមិដើរជីកកង្កែប ដកផ្សិតប្រទះឃើញស្ថិតនៅក្បែរដីឡូតិ៏មួយកន្លែងនិងរាយការណ៍ទៅ អាជ្ញាធរ សមត្ថកិច្ច បង្កការភ្ញាក់ផ្អើលដល់អ្នកភូមិ។
បើតាមប្រភពពត៌មានជាបឋម ចេញពីកន្លែងកើតហេតុបានឲ្យដឹងថា នៅព្រឹកថ្ងៃកើតហេតុ គេបានឮអ្នកដើរ ជីកកង្កែបនិងអ្នកភូមិផ្សេងទៀតដើរដកផ្សិតហើយក៏បានប្រទះឃើញ សម្លៀកបំពាក់នៅលើដីហើយនៅម្ដុំខ្សាច់រាងផុលៗ ក៏មានការងឿងឆ្ងល់ក៏នាំគ្នាទៅឈ្ងោកមើលក៏សន្និដ្ឋានបានថាជាសាកសពដែលត្រូវគេយកមកកប់ចោលខណៈនោះបងប្អូនប្រជាពលរដ្ឋក៏ខលប្រាប់មេភូមិនិងរាយការណ៏ទៅសមត្ថកិច្ចដើម្បីឲ្យមកពិនិត្យ កន្លែងទីតាំងដែលគាត់ប្រទះឃើញសាកសព។
បើតាមការអះអាង ពីរសមត្ថកិច្ចនៅនឹងកន្លែងកើតហេតុដែលកំពុងតែហ៊ុមព័ទ្ធខ្សែដើម្បីធ្វើការពិនិត្យជុំវិញកន្លែងកើតហេតុ បានឲ្យដឹងថាបន្ទាប់ពីទទួលពត៌មានពីលោកមេភូមិមកថាបានប្រទះឃើញសាកសពស្ថិតនៅត្រង់ចំណុចខាងលើ ខណ:នោះសមត្ថកិច្ចក៏បានមកដល់ហើយពិនិត្យជុំវិញកន្លែងកើតហេតុ ពិតជាមានករណីប្រជាពលរដ្ធប្រទះឃើញសពមែន ប៉ុន្ដែយើងមិនទាន់ហ៊ាន ទៅសន្និដ្ឋានបានថាជា សាកសពនោះទេ ព្រោះឃើញមានតែសំលៀកបំពាក់នៅកន្លែងកើតហេតុ ដោយរងចាំជំនាញមកសិន។ហើយសាកសព អ្នកនៅទីណាឬក៏ អ្នករស់នៅកន្លែងណានោះក៏មិនទាន់ដឹងនៅឡើយ។ជាក់ស្តែងដោយសមត្ថកិច្ចកំពុងសហការគ្នាយកចិត្តទុកដាក់ស្រាវជ្រាវនៅកន្លែងកើតហេតុ ដើម្បីឈានដល់ការគាស់សាកសពទើបដឹងច្បាស់។
