ភ្នំពេញៈ បុរសម្នាក់បានស្លាប់បន្ទាប់ពីជិះម៉ូតូបុកជាមួយរថយន្ដសាំយ៉ុងពេញទំហឹង ត្រង់ចំណុចផ្លូវកោង កាលពី វេលាម៉ោង ១១:១០នាទីយប់ថ្ងៃទី០៨ ខែកុម្ភៈ ឆ្នាំ២០២៦ ស្ថិតតាមបណ្ដោយផ្លូវថៃហ្គ័រ សង្កាត់ព្រែកឯង ខណ្ឌច្បារ អំពៅ រាជធានីភ្នំពេញ ។
ប្រភពព័ត៌មានបានអោយដឹងថា មុនពេលកើតហេតុមានប្រពលរដ្ឋបានឃើញ បុរសរងគ្រោះដែលបានស្លាប់នេះបានជិះម៉ូតូ HONDA Dream ពាក់ផ្លាកលេខ ភ្នំពេញ 1AR-9523 បុកជាមួយរថយន្តសាំយ៉ុងពាក់ផ្លាកលេខ ភ្នំពេញ 2Z-0375 ពេញទំហឹងនៅត្រង់ចំណុចផ្លូវកោង ។
ក្រោយពេលកេីតហេតុ កម្លាំងនគរបាលជំនាញនៃការិយាល័យចរាចរណ៍ផ្លូវគោក នៃស្នងការដ្ឋាននគរបាល រាជធានីភ្នំពេញបានចុះមកធ្វេីការវាស់វែងយករថយន្ដ និងម៉ូតូទៅរក្សាទុករង់ចាំការអនុវត្តតាមនិតិវិធីច្បាប់ ។ ចំណែកឯសពជនរងគ្រោះត្រូវបាននគរបាលធ្វើលិខិតប្រគល់ឲ្យសាច់ញាតិទៅធ្វើបុណ្យតាមប្រពៃណី៕
